बान्तावा खिम निर्माण राष्ट्रिय अभियान” बान्तावा भाषी समुदायको सांस्कृतिक पुनर्जागरण, पहिचान संरक्षण, र सामाजिक समृद्धिको उद्देश्यले प्रारम्भ गरिएको ऐतिहासिक परियोजना हो।
यो अभियानले बान्तावा भाषीको मौलिक भाषा, परम्परा, रीतिथिति, र ऐतिहासिक सन्देशलाई एकीकृत गर्दै एउटा आधुनिक र बहुआयामिक संरचना निर्माणको लक्ष्य लिएको छ — जसले हाम्रो पुस्तालाई ज्ञान, अभिमान र पहिचानको स्रोत बनोस्।
तीन तल्ले भवनमा हुने सांस्कृतिक हल, पुस्तकालय, संग्रहालय, कार्यालयहरू, पाहुना घर, ज्येष्ठ नागरिक कक्ष लगायतका संरचनाहरूले सम्पूर्ण किरात समुदायलाई एकीकृत गर्दै भावी पुस्ताका लागि प्रेरणाको केन्द्र बन्दै जान्छ।
देश–विदेशमा रहेका सम्पूर्ण दिदीबहिनी, दाजुभाइ, शुभेच्छुकहरूलाई यस अभियानमा आत्मीयताका साथ सहभागी भइ “बान्तावा खिम” को सपना साकार पार्न हार्दिक अनुरोध गरिन्छ।