सहयोग गर्ने दाताहरूको सम्मानका लागि भवनको भित्तामा शिलालेख, फोटोसहितका विवरण, र विशेष कक्षहरूमा नामकरण जस्ता उपायहरू अवलम्बन गरिनेछ।
उदाहरणका लागि, १० लाखभन्दा माथि सहयोग गर्नेको नाममा पाछिय संस्थाको हल संयुक्त रूपमा नामकरण गरिनेछ। २० लाखभन्दा माथि सहयोग गर्नेले सांस्कृतिक हल आफैंले चाहेको नाममा राख्न सक्नेछन्।
बान्तावा खिमको निर्माणका लागि विभिन्न स्तरका दाताहरूलाई आ–आफ्नो क्षमताअनुसार सहयोग गर्न अनुरोध गरिएको छ। पाँच हजारदेखि पाँच लाखभन्दा माथिसम्म योगदान दिने दाताहरूलाई स्मारिका, शिलालेख, कदरपत्र, ताम्रपत्र, काश्यपत्र, स्वर्णपत्र, र फोटोसहितको विशेष सम्मान प्रदान गरिनेछ।
विशेष रूपमा, २० लाख रुपैयाँभन्दा माथिको सहयोग गर्ने दाताको इच्छाअनुसार सांस्कृतिक हलको नामकरण गरिनेछ भने ३२ लाखभन्दा माथिको दानदाताको शालिक स्थापना गरिने व्यवस्था गरिएको छ।
बृद्धवृद्धा र पाहुनाहरूका लागि आरामदायी र सुन्दर पाहुना घर तथा विश्रामस्थल निर्माण गरिनेछ, जसले समुदायमा सम्मान र सद्भावको वातावरण सिर्जना गर्नेछ।
बान्तावा समुदायका विभिन्न सामाजिक र प्रशासनिक कार्यहरू सुचारु गर्न केन्द्रिय कार्यालय र प्रवास कमिटीलाई स्थान दिने सामूहिक कार्यालय निर्माण गरिनेछ। यसले समन्वय र विकासका काममा सहजता ल्याउनेछ।
